ازاي تختار دكتور تقويم ؟

زاي تختار دكتور تقويم ؟ كتير بيحصل ان حد يكون عايز يعمل تقويم بس بيأجل الخطوة عشان مش عارف يروح مع مين وخايف ومتردد يكون اختياره للدكتور مش في محله . هنقولك على ٤ حاجات تساعدك : ١- اول حاجه لازم تكون متأكد ان الدكتور متخصص في التقويم : مش دكتور اسنان غير متخصص ، ليه ؟ لأن التقويم مبيتمش دراسته في البكالوريوس ، ولا التدريب نهائي على حالات تقويم فبالتالي لازم الدكتور ال يشتغل تقويم يكون حضر دراسات عليا بعد البكالوريوس في التقويم ال بتستغرق في العاده من سنتين ل ٤ سنوات من الدراسة والتدريب . ٢- شوف حالات للدكتور ده اشتغلها : شوف نتايج علاجه وحالاته قبل وبعد العلاج ودي اكتر حاجه ممكن تطمنك. ٣- مكانه قريب منك : متابعات التقويم بتكون كل شهر او ٣ اسابيع ، فاختيارك لدكتور قريب منك هيساعدك تنتظم في حضور مواعيدك والدكتور يقدر يخلص حالتك بشكل مظبوط ٤- ترشيحات من الاخرين : لو ليك اصدقاء عملوا تقويم مع دكتور متخصص وشوفت نتايج العلاج وانهم مبسوطين دي كمان حاجه تشجعك انك تروح له نتمنى تكون المقاله البسيطه دي ساعدتكم وتكونوا استفدتوا منها :)