الأشعات قبل التقويم

دايما قبل ما بنبدأ تقويم بنحتاج نعمل أشعة على الفكين، طيب ليه ؟ ومش كفايه ان الدكتور كشف بعينه وشاف الأسنان ؟؟ لا مش كفايه طبعا ، لان الاسنان عندنا بتتكون من جزئين من التاج والجذر وال بنقدر نشوفه بعينينا بس هو تاج الأسنان ، وبالتالي لازم نعمل اشعات عشان نقدر نشوف جذور الاسنان كلها. وكمان الفكين فيهم انسجة تانيه غير الاسنان ، يعني في أربطه محيطة بالأسنان وفي عظام بين الاسنان وكل دي حاجات لازم نشوفها قبل ما نبدأ ونكون مطمنين ان مفيش فيهم اي مشاكل او حاجه تستلزم احتياطات او اجراءات معينة تتعمل قبل او اثناء التقويم.